حصريا من مجلة الشباب .. عشاء وحوار وفسحه بالHummer .........???

السلام عليكم ورحمة الله وبركاته
خبر فى مجلة الشباب (ليلة قراء الشباب فى فيلا "تامر")



المشهد الاول
ليل داخلى
ننتهى من فرز نتائج استفتاء الشباب لهذا العام ونتأكد من فوز تامر حسنى بلقب احسن مطرب فأتصل به تليفونيا .......
*الو ياتامر...انا شريف بديع من مجلة الشباب مبروك انت فزت بلقب احسن مطرب فى 2007 فى استفتاء المجله.
-بجد...ده خبر سعيد جدا
*طيب عايزين نحتفل معاك بيه وبرأس السنه الجديده..
-انا حابب يكون الاجتفال مع القراء اللى اختارونى...انا مستنيكم فى البيت بعد بكره تشرفونى..

المشــــــــهد التانى
السادسه مساء
امام باب فيلا تامر وهي عباره عن مبنى من ثلاث طوابق ..ملحق بها حديقه صغيره..نرن الجرس وتامر يفتح الباب...
*المجموعه:تامر ..باين عليك لسه صاحى ..انت كل يوم بتصحى فى هذا الموعد
-لا ابدا ولكن امبارح كان عندى تسجيل فى الاستوديو بدأ فى الواحده بعد منتصف الليل !! اتفضلوا...
(ندخل فى الصاله..الدور الاول به ركن للسفره على الجانب الايمن بينما الجانب الايسر مقسوم نصفين الاول به الصالون والثانى به انتريه اخضر وفى الامام يوجد تليفزيون كبير مفتوح على قناة مزيكا وفى الفاصل بين القسمين يوجد دولاب الجوائز وعلى الجدران توزعت بوسترات كبيره لتامر حتى كادت تغطى الحوائط..فى نهاية الطابق الاول من الفيلا يوجد حمام صغير ومطبخ...
-هو انت بتقضى يومك ازاى ؟
*عادة اصحى 10 صباحا والعب رياضه على اجهزة بسيطه عندى وممكن العب كرة شويه وبعدها يبدأ العمل وانا معنديش اى وقت فراغ فكل وقت استغله فى التأليف أو التلحين والتحضير للفيلم الجديد واخصص يوما فى الاسبوع اتفرغ فى من كل شىء لاجلس مع عائلتى ...انتم لسه واقفين ليه! اتفضلوا..

المشـــــــــــهد الثالث
ليل داخـــلى
فى الانتريه يجلس تـامر على الكنبه وبينما نستعد للجلوس يرن جرس الباب لتدخل"جيجى" بنت عمه فتسلم علينا وبعدها تجلس بجواره والقراء ملتفون حوله حتى ان منهم من جلس فوق شلته على الارض فقط ليكون بالقرب من تامر !!

-ماهى اسوأ عاده عندك
*انى تقريبا مابنمش..عندى أرق لا يمكن ان يكون موجودا عند غيرى والسبب فى ذلك كثرة اهتماماتى فلو كنت بغنى فقط كان الغناء سوف يشغل نصف يومى ولكنى اغنى وامثل والحن واكتب أشعارا واؤلف قصصا فأحتاج يوما على يومى لانهى ماعندى !!
(يظهر على شريط الاخبار فى التليفزيون خبر عن بدء اعداد تامر لفيلمه الجديد)
-هل هذا الخبر صحيح؟
*نعم الان نعقد جلسات العمل وهو من اخراج نصر محروس وتأليف احمد عبد الفتاح وبطولة مى عز الدين
-مى تانى؟..طيب ليه!!
*بينى وبين مى كيمياء فى الشغل ..ومى مش بتهزر فى الشغل..يعنى لو هتمثل مشهد تبكى فيه بحس يومها فعلا انى فعلا ظالمها وترفض ان تكلمنى طوال اليوم ...معندهاش هزار!!
-سمعنا انك ذهبت لوالدتها وتقدمت لها
*طيب وبعدين ايه اللى حصل
-رفضت
*بجد؟..انا اول مره اسمع الموضوع ده...زعلتونى!! بقولكم ايه:انتم ماجعتوش..ده انا ناوى اطبخلكم النهارده بنفسى !!
-واو انت بتعرف تطبخ؟
*طبعا..هتشوفوا دلوقتى ...


المشهد الرابع
فى المطبخ
تامر يحمل طشت موضوع فوق الغساله به ملابسه المعده للغسيل ليضعها بعديا عن الكاميرا ...
-عايز افاجئكم بشىء مهم جدا ...انا كل محاولاتى فى الطبخ فاشله وأخرى اعمل شاى ولكن النهارده علشانكم هحاول اعمل مكرونه...بس هم بيشيلوا الحاجات دى فين!!
-بص ممكن فى النمليه..مين بيطبخلك
*والدتى ربنا يخليهالى
-أكتر اكله بتحبها ايه؟
*الملوخيه..الكل يشتغل معايا..ماتقلقوش هتاكلوا اجمل ملوخية ..
ننتهى من اعداد المكرونه ويمسك تـــــــــامـــــــــر مغرفه ليضع بها المكرونه فى الاطباق فتشير له احدى الفتيات ان هذه المغرفه للتعامل مع الزيت وتعطيه المغرفه الصحيحه!!

المشهـــــــــــــد الخامس
أمام البوتاجاز
القراء يلتفون حول تامر بينما الكل ينتظر دوره فى المكرونه..
*ايه المكرونه مش عاجباكم لا دى لازم تعجبكم ؟
-طبعا طبعا حلوة..بس ايه رأيك نطلب دليفرى ..
*كده طيب ماشى

يطلب تامـر من مساعده ان يذهب لشراء بديل للمكرونه بينما ننتقل لنجلس فى الانتريه فى انتظاره.

-هل تضايقت من ظهور تامر سمير ومارأيك فى ظاهرة استنساخ المطربين
*لا ابدا..ربنا يهنيه وعموما فأى مطرب ناشىء يكون عنده مطرب يتأثر به غصب عنه وهذا مش عيب..العيب انك تشعر انك هو بنفس كلامه وطريقته وتتخيل انك كده هتاخد نفس جماهيريته وهذا مش ممكن لان الجمهور شافنى وانا فى بدايتى وعايش معاناتى وتعبى حتى وصلت لما انا فيه والجمهور مش ندل!!فجأه يطلع واحد شبه نجم فنسيب النجم ونروحله.


المشهـــــــــــد السادس
نخرج الى الريسبشن



نفرغ السفره من كل ماعليها ليبدأ تـــــــــــامـــــــــر والقراء فى تركيب شجرة الميلاد ووضع الزينه عليها ويتبادلوا الكلام فى نفس الوقت..
*ابتسموا ياجماعه احنا بنعمل حاجه حلوه وكلناعايزين ننبسط
-احنا فعلا مبسوطين ..كفاية اننا معاك ..
*يابنات انتم اكيد اكتر من يفهم فى الذوق .. ساعدونى فى تزيين الشجره..عايز بلونه انفخها



-انت بتدخن يا تامـر؟
*أبدا عمرى ماشربت سيجاره

المشهـــــــــــد السابع
داخلى فى الصاله
يتم تحريك كل محتويات الصاله فنحمل المائده لنضعها ملاصقه للحائط ونحرك نباتات الظل لنضعها فى الركن بعيدا عن المكان الذى نعده للتصوير ثم نضع شجرة الكريسماس التى نزينها...تامر يصعد وقتها ليغير ملابسه فيرتدى بنطلون جينز وبلوفر اسود وكوفيه..ويطلب رأينا فتجمع الاراء ان"السويت شيرت" الاول كان افضل فيصعد مره اخرى لتبديله ويبدأ محمد عادل فى التصوير



*تحب اقف ازاى
-احد القراء:ياتامـر انت بطل الحركات




المشهـــــــــــــد الثامن
حجرة السفره
*يتم نقل الشجره لوضعها وسط المجموعه ويبدأ الاحتفال ..نطفىء الانوار ونغنى مع تــــــــامــــــــــر"تليفونى رن"ويتبادل القراء مع تـــــــامــــــــر قذف البلونات ورش"الفوم"..طبعا تـامــــر كان هدف المجموعه كلها بينما حاول هو ان يدافع عن نفسه بالقاء البالونات على الجميع...

-ماأجمل وأسوأ مافى 2007 بالنسبه لك
*التكريم الذى وجدته من الناس فكانت سنه موفقه وربنا كرمنى فى البومى وفيلمى واخذت جوائز عديدة اما الذكريات السيئه فهى قليله وعابرة حتى لا أتذكرها(الحمد لله)..يمكن اللى كان وحش قوى حصل السنه الماضيه
-ما امنيتك فى السنه الجديده
*انى اتزوج...اى بنت مصريه شرقيه متربيه كويس وتعرف ربنا وتعرف تصون الراجل اللى معاها واحبها طبعا
-كيف تختار كلمات اغنياتك
*الشطاره انك تأتى بكلمه عاديه وتضعها فى اغنيه مثل "لما بتكون بعيد بحضر كلام اقوله"..ولما بتكون قريب بتنسينى اليوم بطوله ده كلام عادى أنا مش بخترع!!
-ولكن اغنيه مثل "اعتذرى"كان فيها ايحاءات مش تمام!!
*انا عارف ان ايحاءاتها تخوف و لكن بصراحه انا محطوط فى منطقة من يعبر عن الشباب فأعبر عنهم فى الحنيه والعصبيه!!!


المشهــــــــــد التاسع
فى الانتريه
-هل صحيح ان البومك الدينى الاخير لم يحقق اى مبيعات ولماذا أصدرت البوما من هذه النوعيه
*بالعكس الشريط باع اكثر مما توقعنا ويكفى انه كان بدايه لنوعية جديده ...زمان عندما كنت استمع لفنان يقول الفن رساله كنت اضحك واقول "رسالة ايه واحنا عمالين نحب على نفسنا"!!لكن الان فهمت المعنى ورأيت اننى بدأت أؤدى رسالتى.
-اذن مارأيك فى موجة المطربين الجدد والعرى الذى نجده فى كليبات اليومين دول ؟
*انا مش ضد فكرة ان اى حد معاه قرشين يعمل اغنية "لا اعمل بدل ماتروح تصيع وتقعد ع القهاوى وتشرب مخدرات"!!وهناك نجوم فعلا مابتعرفش تغنى والجمهور كده فياريت الشاب يطلع مبيعرفش يغنى بس يكون ليه مجال ينجح فيه بدل ماينحرف!!لكن فكرة البنات اللى بيخرجوا بمظهر عرى فأنا ضدها تماما ...أنا لما اراهم أقول:لو البنت دى ليها اخ أو اب بيكون احساسه طيب لو قاعد مع اصحابه وكل واحد بيقول كلمة قليلة الادب عليها ؟!فعلا حاجه تضايق.


المشهد العاشر
دولاب الجوائز
تـــــــــــامــــــــر يعرض للقراء الجوائز التى حصل عليها ..الدولاب صغير مكون من ثلاثة أرفف فى الرف العلوى يوجد ثلاثة دروع مكتوب عليها افضل مطرب فى 2007 مهداه من مجله "دير جيست"وفى المقابل يوجد دولاب اخر فى نفس الحجم وبه جوائز من بعض المدارس كما يوجد به صور مرسومه لتــــــــامــــــــر ....
-قرأنا لك تصريحا تقول فيه "مين عمرو ده اللى يتقارن بيه!!
*حد شافنى بقول كده بأى منطق أقول كده طبعا غلط..عمرو كان نفسى ابقى ربعه وماينفعش أضعه كمنافس..كلما يأتى ذكر عمرودياب أتذكر صوره له فى مخيلتى لاتفارقنى ابدا ..
فبينما كنت فى حفله لعمرو فى مارينا خليت صحابى يحملونى لكى اسلم عليه وبعدها حدفت نفسى على الجمهور مش عايز حاجه من الدنيا غير انى سلمت على عمرو دياب
-طيب ومنير ..مااحساسك والجمهور يعطيك لقبه "الكينج"وانت على مسرحه
*الجمهور من حقه يقول اى شىء لكن مبدئيا انا لا احب الالقاب والملك ربنا وحده ولو حد نادانى استاذ تــــــــامـــــــر اقوله يااخى انا بكره الكلمه دى واكون فى قمة فرحتى عندما اجد بوابا يقول لى ياتمور فهذا معناه انه يرانى مثل لبنه ..انا لسه صغير على انى اكون كينج او اسطورة ومحمد منير هو الكينج طبعا وعيب انى اقارن به...هو احنا قد بعض يانهار ازرق الواحد كان نفسه يتصور جنبه!!

المشهــــــــــد الحادى عشر
ليلى داخلى
تصل سندوتشات الشاورمه فنجتمع للاكل ثم يطلب القراء من تـــــــامـــــــــر ان يغنى لهم..ما ان بدأ تـــــــامــــــــر فى العزف على الجيتار والغناء حتى نسى الكل السندوتشات واقتربوا منه فى نصف دائره واندمجوا معه فى غناء اغنية مش عارف اتغير...
(تصفيق جماعى)
ينتهى اللقاء ويصر تــــــــامـــــــــر على ان يصطحب المجموعه الى الخارج


المشهـــــــــــد الثانى عشر
ليل خارجى
-أمام الفيلا بينما تطلب المجموعه سيارة تــــــــامــــــــــر وتركبها...
*أول سياره ركبتها كانت 125 وتعلمت عليها السواقه ..أما أول سياره اشتريتها فكانت ريتمو وبعدها غيرت حتى وصلت للهامر وهى على فكره ارخص من سيارتى اللى قبلها وكانت بى ام دبليو واشتريتها بحر مالى لانى لا اقبل هدايا من احد ..ولقد اختر هذا النوع لانى كل مااركب عربيه اخبط فى المطبات !!فحبيت اسوق سياره عاليه
-بتسوق بنفسك ولا عندك سواق
*لا ابدا انا بسوق بنفسى وماعنديش ولا بودى جارد ولا حاجه...اديكم جيتم على غفله وشفتونى أنا ابسط مما تتخيلوا!

**ينتهى اللقاء فى تمام الثانية عشر وثمانى دقائق..وبعد ربع ساعه يرن تليفونى**
-شريف..الناس انبسطت بجد.. ياريت تسألهم انا عايز اطمن..
افتح الاسبيكر ويقول القراء فى نفس واحد ..
-احنا فرحانين قوى يا تااااااااااااااااااامر

شكرااا علي الرد وعلي مرورك

شكراا ياعمر علي ردك